Төмән өлкәсенә Франциядән бу илнең Россиядәге чиктән тыш һәм тулы хокуклы  вәкиле Жан де Глиниасти җитәкчелегендә  делегация килде. Безнең регион Франция белән якын бәйләнештә. Өлкәбез Россиянең иң нык инвестицион җәлеп итүче регионнарының берсе. Нефть һәм газ сервисы комплексында, авыл хуҗалыгында Франция белән озак еллар инде бергәләп уңышлы эшлибез. Регион агропромышленность комплексында, промышленностьта хезмәттәшлекне дәвам итәргә әзерләнә. Киләсе елга Төмән делегациясе Парижга барачак, анда өлкәнең инвестицион потенциалы турында сөйләячәк. Франция "ЮТэйр” компаниясе белән дә яхшы мөнәсәбәттә. Рощино аэропортын үзгәртеп корудан соң,  Төмән – Париж авиаэлемтәсе ачу планлаштырылган.