Электронная версия газеты "Янарыш"

Семь - счастливое число. Губернатор Владимир Якушев Россияне

Zul4itai — Mon, 02 Dec 2013 16:39:45 GMT

Россиянең иң яхшы региональ политигы рейтингында икенче урынны алды. Сәясәт-идарә итү эше бүлегендә губернаторларның консолидация-политик элита буенча эшләүләре, федераль үзәк белән бәйле булу, бюрократ аппаратның эффектлы эшләве исәпләнде. Монда губернаторыбыз Чечня башлыгы Рамзан Кадыровка гына юл куйды. Социаль блокта сәламәтлекне саклауда ил буенча яхшы нәтиҗәләр күрсәтеп, Төмән өлкәсе дүртенче урынга чыкты. Җыелма рейтингта безнең регионның нәтиҗәле урыны - җиденче.

Сначала работа, потом деньги

Zul4itai — Mon, 02 Dec 2013 16:39:19 GMT

Төмәннең "Нефтяник” мәдәният йортының ишекләре ачылды, әлегә яңа подрядчы - ЗАО "Тюменьтел” белән танышу өчен журналистларга гына. Шушы оешма "Неймор Инжиниринг” Хорватия компаниясе ташлап калдырган эшне башкарып чыгарга алынды. Контракт буенча хезмәт 2014 елның декабрендә тәмамланырга тиеш, әмма ачылу тантанасы 2015 елның беренче кварталына көтелә. Подрядчы белән исәп-хисап эшләнгән фактлар буенча ясалып барачак. Бәясе – 1 млрд 200 млн сум.

В школьную столовую с банковской картой

Zul4itai — Mon, 02 Dec 2013 16:38:54 GMT

Киләсе елга безнең мәктәп балалары ашханәләрдә электрон карта буенча тукланачаклар. Хәзерге көндә чиновниклар балаларны ашатуда яңа финанс тәэмин итү схемасы кертелгән Екатеринбург мәктәпләре ашханәләрендәге туклануны оештыру тәҗрибәсен өйрәнәләр. Ул субсидия һәм ата-аналарның акчаларын электрон исәпләүне үз эченә ала. Барлык бухгалтерия компьютерлаштырылачак, чөнки укытучы классны караучысыз калдырып, ашханәгә туклану өчен гаризалар йөртергә тиеш түгел.

Немецкий опыт - тюменскому селу

Zul4itai — Mon, 02 Dec 2013 16:38:21 GMT

Күптән түгел Берлин - Целле - Ганновер маршруты буенча региональ хөкүмәт ярдәме белән Төмән өлкә Сәүдә-Промышленность палатасы регионның зур авыл хуҗалыгы продукциясен җитештерүчеләр өчен Германиягә сәяхәт оештырды. Губернатор Владимир Якушев җитәкләгән делегация алты көндә берничә производствода, "Agritechnica-2013” дөньяда гаять зур авыл хуҗалыгы техникасы һәм җиһазлары күргәзмәсендә, сәүдә-промышленность палатасының уку үзәгендә булдылар. Шулай ук Германия фермерлары Союзы белән сөйләшү оештырылды; Түбән Саксония авыл хуҗалыгы министры белән очрашу үтте.

Эхо Гражданской войны

Zul4itai — Mon, 02 Dec 2013 16:38:00 GMT

Төмән ОМОНы саперлары шартлау куркынычы булган табылдыкны зыянсызландырдылар. Егетләргә Заводоуковск районы, Тумашево авылына барырга туры килде. Җирле фермер бәрәңге саклый торган урында бәрәңге арасында 1915 елдан хәрәкәттә торган Милса системасындагы граната тапкан. Саперлар аны якындагы ком карьерында шартлаттылар.

Владимир Якушев пригласил госпожу Лим Кхенг Хуа в Тюменскую область

Zul4itai — Mon, 02 Dec 2013 16:37:44 GMT

Өлкә губернаторы В.Якушев Мәскәүдә Сингапурның чиктән тыш һәм тулы хокуклы вәкиле белән очрашты.Шушы чарада шулай ук Европа бизнесы Ассоциациясе рәисе Райнер Хартман катнашты. Нефть-химия, нефть-сервис, сәламәтлекне саклау һәм башка тармаклар буенча хезмәттәшлек итү турында ике ил арасында килешү төзелде.

“МИН ҖИҢӘЧӘГЕБЕЗГӘ ЫШАНАМ!”

Zul4itai — Sun, 17 Nov 2013 05:43:12 GMT

Гадәттәгечә, Төмән өлкәсе губернаторы Владимир Якушев өлкә Думасы депутатларына чираттагы мөрәҗәгатьнамәсен юллады. Губернатор чыгышында төбәкнең социаль-экономик үсеше, уңышлар, әле тормышка ашмаган планнар турында сөйләде. Сәламәтлекне саклау, мәгариф, мәдәниятне һәм юнәлешләрне үстерү буенча инвесторларны җәлеп итү, инновацион технологияләр кертүгә аеруча басым ясады.

- Ел саен куелган бурычларның үтәлеш дәрәҗәсен күзәтеп барабыз, киләчәк проектларын камилләштерәбез, заман таләпләренә яраклаштырабыз, - диде җитәкче. – Без кризис елларын уңышлы үттек, тик дөнья экономикасы тотрклылыгын югалтты. Аның безгә дә йогынтысы бар. Өлкәнең бюджет мөмкинлеге нык кысрыкланачак. Мин пессимизм һәм пассивлык өчен сәбәпләр күрмим, нәкъ шундый вакытларда кеше һәм халыклар берләшәләр, көчлеләнәләр. Төмәнлеләр бу авырлыкларны да җиңеп чыгарлар дип ышанам.

Соңгы елларда өлкәдә үсеш экстенсив характерда барды: барлык юнәлешләрдә дә берьюлы өскә үрләдек. Хәзер без интенсив рәвештә алга китәргә тиешбез: булган мөмкинлекләрне яңадан барларга һәм шуларга гына тукталырга. Ә ресурслар бездә аз түгел. Тик төп ресурсның – кеше булуын да онытырга тиеш түгелбез.

Соңгы биш ел Төмән өлкәсе тарихында иң нәтиҗәле еллар булдылар. Бу статистика һәм экономика өлкәсендәге саннар гына түгел, ә төмәнлеләрнең тормыш шартлары һәм кәефендә дә ачык чагыла. Туучы балалар, күп балалы гаиләләр саны арта, 2012 елның сентябреннән 3 – 7 яшькә кадәр балалар тулысынча балалар бакчасы белән тәэмин ителгән. Ятим балаларны гаиләләргә урнаштыру нәтиҗәсендә балалар йортлары санын өч мәртәбә кыскартырга мөмкинлек бирде. Соңгы 5 елда заманча шартларда белем алучы балалар саны 84тән 92 %ка артты, 60 мәктәп төзелде һәм яңартылды.

Сәламәтлек саклау өлкәсендә дә алга китеш бар. Тубылда, Ишимда, Ялуторда, Заводоуковскта сәламәтлек һәм төбәкара үзәкләр булдырылды һәм җиһазлар белән тәэмин ителде.

Спорт, өлкән буынга игътибар, торак төзелеше, газлаштыру, авыл хуҗалыгы, куркынычсызлык, эш хакы, эш урыннары, бюджетка керем, урман хуҗалыгы, бизнес һәм башка юнәлешләрдә шактый уңай нәтиҗәләргә ирешкәнлекне билгеләп үтте губернатор. Өлкәдә чын-чынлап инвестицион революция булды, диде ул. Чынлап та соңгы елларда зур оешмалар төзелде, яңа эш урыннары булдырылды. Мәсәлән, Түбән Тәүде районының Бухтал авылында «Дина энерджетикс» немец компаниясе нефтьчеләр өчен җиһазлар ясау буенча завод төзи. Тубылдагы полимер заводы үзе генә нинди горурлык!

Губернатор соңыннан җитешсезлекләргә тукталып үтте, аларның үтәлешендә җаваплы кешеләрне билгеләде, планнар турында сөйләде. Сүз һәм эш арасында ераклык кыскарырга тиеш, диде ул.

Гөлнур ВӘЛИЕВА.

Соответствовать требованиям времени.

Zul4itai — Wed, 06 Nov 2013 18:09:30 GMT

РФ Президентының мәгариф өлкәсендәге май аенда чыккан указларының реальләштерү барышын Төмән өлкәсе хөкүмәтендә губернаторы Владимир Якушев үткәргән киңәшмәдә карадылар. Монда тема буенча доклад белән регионның мәгариф һәм фән департаменты директоры Алексей Райдер чыгыш ясады. Мәгариф системасы тулысынча вакыт таләпләренә туры килергә тиеш, диде губернатор.

Медицина с доставкой на село.

Zul4itai — Wed, 06 Nov 2013 18:09:08 GMT

Ялутор районы, Карабаш авылында яңа ФАП – фельдшер-акушер пункты ачылды. ФАП 4,5 миллион сумга тулысынча медицина җиһазлары, мебель белән җиһазландырылган. Авыл сәламәтлекне саклау үзәгенең мәйданы – 54 квадрат метр.

Лазерный тир для школьников.

Zul4itai — Wed, 06 Nov 2013 18:08:50 GMT

Ялуторда 1 нче, 4 нче һәмДекабристлар исемендәге мәктәпләрдә хәрби-патриотик тәрбияләү уку-методик үзәкләре ачылды. Кабинетлар заманча җиһазлар, лазер тир, физик әзерлек һәм укулар өчен тренажёрлар белән җиһазландырылган. Мондый кабинетлар Төмәндә дә уңышлы эшлиләр. Алар "”Бердәмлек” көчләр структурасы ветераннар ассоциациясе” Төмән региональ җәмгыять оешмасы һәм өлкә Думасы ярдәме белән җиһазландырылдылар.