Төмән өлкә Думасының V нче чакырылышы беренче утырышын үткәрде. Анда өлкә губернаторы В.Якушев та катнашты. Оештыру характерындагы сораулар каралды, депутатлар халык мәнфәгатьләре өчен намуслы рәвештә үз бурычларын, РФ Конституциясен үтәргә, кеше һәм гражданин хокук, иреген хөрмәт итәргә тантаналы рәвештә ант кабул иттеләр. Дума председателе итеп яңадан С.Корепанов, вице-спикерлар, комитет җитәкчеләре сайланды.