Һәр елны сезонның соңгы старты тәмамлануга, өлкә  губернаторының биатлон буенча регион җыелма командасы белән очрашуы традициягә әверелде. Быел да В.Якушев тренерлар һәм спортчылар белән очрашты. Ул биатлон буенча бөтенроссия һәм халыкара ярышларда катнашкан җиңүчеләргә, тренерлар штабына акча сертификатлары бирде. Ханты-Мансийскида узган дөнья чемпионатында ике көмеш яулап, илебезнең өч тапкыр чемпионы булган М. Максимовны аеруча тәбрикләде. Карьерасын тәмамларга булган Олимпия чемпионы А.Әхәтовага "Төмән өлкәсе физик культура һәм спортының мактаулы хезмәткәре” билгесен тапшырды.