Төньяк-Казахстан өлкәсе делегациясе безнең регионга килгәч, Төмән өлкәсе авыл хуҗалыгы производствосын үстерү буенча тәҗрибә өйрәнүгә зур игътибар бирде. Кунаклар Казанское, Заводоуковск, Упорово районнарында булдылар. Беренче булып аларга ООО "Яровское”да чиста нәселле эре мөгезле француз селекциясендәге терлекләр – "Лимузин”нарны күрсәттеләр. 2003 елны хуҗалыкка119 баш тана кайтарылган иде, бүгенге көндә 775 башкача үрчеде. Делегация "Маяк” агрокомплексының  1200 терлек сыешлы сөт фермасына да барды. Бирегә голштинск һәм симменталь нәселендәге сыерлар китерелгән. Бер фуражлы сыердан елына 7 меңнән артык сөт савыла. Өлкәдә терлекчелек нык үсә. В.Якушев Төмән аграрийларының үз тәҗрибәләре белән бүлешергә һәрчак әзер булуларын белдерде.