Өлкә губернаторы В.Якушев Төмән шәһәре хакимияте башлыгы А.Моор белән Төмән объектларындагы ремонт эшләрен контрольгә алдылар. Тиздән Севастопольская урамындагы 14 нче балалар бакчасы эшли башлаячак. Монда коммуникацияне алыштырдылар, бинаның ал ягын, түбәсен җылыландырдылар, территорияне читәнләделәр һәм башкасы. Ел азагынача Төмәндә үзгәртеп корудан соң тагын җиде балалар бакчасы эшли башлаячак. Регион башлыгы балалар бакчаларында һәм 49 нчы гимназиядә булды. Биредә канализация, вентиляция алыштырылды һәм башкасы. Учреждениедә укучылар өчен электрон пропуск системасы урнаштырылган.