Өлкә губернаторы В.Якушев Уват муниципаль районына барып кайтты. Анда традициягә әверелгән парк сыннар Уват халыкара фестивалендә катнашты. Район үзәгеннән 30 чакрым ераклыкта урнашкан Туртас поселогында булды. Монда иске йортлардан күченүчеләр һәм ятим балалар өчен төзелгән 16 фатирлы йортларны карады. Бинаның берсен каркас-панель өй төзү технологиясен кулланып Төмәннең  "Карсико Дом” предприятиесе торгызды. Мондый корылмалар Ямалда зур популярлык алган. Мөһим документларны әзерләгәннән соң йортларга халык күченәчәк. В.Якушев салынып торучы А.Тихонов исемендәге биатлон үзәгенең кунакханәсендә һәм стадионда булды. Йолдызлыгы буенча югары класслы кунакханә киләсе елга ачылачак.