Быелгы җәйдә аномаль эсселек һәм коры һава торышы планнарга җитди үзгәреш кертте, Төмән аграрийларына былтыргы рекордлы күрсәтечкә ирешергә мөмкинлек бирмәде. Гомуми бөртекле һәм кузаклы культуралар Төмән өлкәсе төньягында 1,356 миллион тонна җыелды. Уртача уңыш – гектарыннан 19,8 центнер. 29 хуҗалыкта гына гектарыннан 25 центнерга ирештеләр. Заводоуковск районының "Дружба”  хуҗалыгында гектарыннан  41,6 центнерны алдылар. Уңыш буенча муниципаль оешмалар арасында Заводоуковск шәһәр округы  лидерлыкны тотты – гектарыннан 30 центнер.