Борис Опрокиднев Төмәндә 1921 елны туган. Раушан Абдуллин - Нариманово авылында 1988 елда. Әллә ничә дистә еллар бүлеп торган төрле кешеләр, язмышлар. Әмма алдагы тормышта да, монысында да батырлык булган. Борис Константинович Бөек Ватан сугышы елларында өлкән очучы-күзәтүче вазифасын үтәгән. Разведкага 140 очу ясаган, Җиңү көненә бер ай калгач һәлак булган. Раушан Абдуллин Көньяк Осетиядә Россия тынычлык урнаштыручы көчләр составында хезмәт итә. 2008 елның августында грузиннар Осетиягә сугыш ачкач, егетнең батальоны беренче һөҗүмне кабул итә. Раушан кул гранатометы белән дошман танкына ташлана,  иптәшләрен коткаруга гомерен бирә. Төмәннең Көнчыгыш районында – Широтная-Пермяков-Федюнинский һәм Мельникайте чик буе участокларында төзелеш бара, әлегә урамнар юк. Ләкин шәһәр хакимиятендә шушы урамнарга батырларның исемнәрен бирергә карар чыгарылган.