Өлкәнең бюджет тармагында эшләүчеләре һәм пенсионерлары регион башлыгы В.Якушевның 5 октябрьдәге карары буенча бер тапкыр бирелә торган социаль ярдәм алачаклар. Мәгарифтә, яшьләр политикасы, мәдәнияттә, сәламәтлекне саклау, физик культура һәм спорт, халыкны эш белән тәэмин итү, архив эше, ветеринария, урман хуҗалыгы, табигатьне саклау өлкәсендә хезмәт итүче бюджет, автоном учреждение һәм автоном коммерцияле булмаган оешмаларда эшләүчеләргә бер мең сум, пенсионерларга биш йөз сум акча биреләчәк.