Бу көннәрдә Төмән өлкә хөкүмәтендә сөтчелекне үстерү буенча киңәшмә узды. Төп сорау сөткә  сатып алу бәясе һәм сөт базарында барлык катнашучыларның кызыксынуларын тәртиптә саклау турында булды. Тауар сатудан кергән өлкәнең авыл предприятиеләренең терлекчелек өлеше 64 процентны тәшкил итә. Керемнең  дүрттән бер өлеше – сөтне реальләштерүдән. Регион эчке сөт продукцияләренә ихтыяҗны тулысынча тәэмин итә. Шуңа күрә сөтнең 25 проценты әзер килеш өлкәдән читкә озатыла. 2006 елдан 2011 елгача Төмән өлкәсендә 17,8 мең баш сыер өчен 18 сөт комплексы төзелгән. Бу предприятиеләрдә 114,5 мең тонна сөт җитештерелә.