Үткән елның февраль аенда өлкә татар Конгрессы үзебезнең күренекле татарларыбыз - сугыш Каһарманы, өч дәрәҗәдәге Дан орденнары кавалеры Хәбибулла Якин белән Россия Герое Раушан Абдуллин исемнәрен мәңгеләштерү максатыннан, Төмән шәһәр хакимиятенә гариза белән чыга. Җавап үзен озак көттерми, декабрь аенда Конгресска шатлыклы хәбәр килеп төшә. Анда шәһәрнең яңа барлыкка килгән Җиңү скверыннан алып Мельникайте урамына хәтле җир «Хәбибулла Якин бульвары» дип аталганы, киләчәктә яңа төзелгән урамга Раушан Абдуллин исеме биреләчәге турында әйтелә. Өлкә Конгрессы мәдәният департаменты җитәкчесе В.С.Ташкалова әйтүе буенча, Х.Якин исемендәге бульвар әлегә төзекләндерелә. Аның официаль ачылуы тантаналы рәвештә үтәчәк.

Р.КАНГАЗИНА.