Ямалның  ветераннар Союзы Түбән Тәүде районында булды. Автоном округ землячестволар җитәкчеләре монда Союз президиумы утырышын үткәрделәр һәм районда иң зур "Молоко” компаниясе белән таныштылар. Ямал ветераннар Союзы рәисе өлкә Думасы депутаты Фоат Сәйфетдинов җитәкләгән делегацияне озак еллар Түбән Тәүде районы хакимияте башлыгы вазифасын йөкләгән,  хәзерге көндә мактаулы пенсионер Зөфәр Әхтәриев каршы алды. ПК "Молоко”ның продукцияләре әлегә Ямал-Ненец автоном округы кибетләре прилавкаларында юк. Бу аксакалларның барып кайтулары хәлне төзәтер. Тәүлегенә биредә 65 тонна сөттән  ясалган продукция җитештерелә. Кефир, йогурт, эремчек, сыр, май кунакларга бик ошады.