3 нче январь көнне Тубыл шәһәренең 15 нче мәктәбендә  шагыйрә  Галия Абайдуллинаның яңа басылып чыккан "Ярату- ялгышу түгел ” китабының презентациясе үтте. Чара шагыйрәнең 70 яшьлек юбилеена туры килде. Күренекле милләттәшебезне Тубыл  шәһәре хакимияте, шәһәр милли-мәдәни автономиясе, өлкә татар Конгрессыннан килгән вәкилләр котладылар. Татар әдәбияты укытучылары  Галия Абайдуллинаның ижатын мәктәпләрдә өйрәнүләре, класстан тыш чараларда еш кулланулары турында сөйләделәр. Себер җирендә  шигырь яратучы милләттәшләребез  күп икәнлеге, яңалыкларны күзәтеп  яшәүләре шагыйрәбезне шатландырды.

Р. УМИТБАЕВА.