4-5 июнь көннәрендә Салехардта татар һәм башкорт мәдәниятенең округ бәйрәме – Сабантуй уздырылачак. Бу чара Ямал-Ненец автоном округында яшәүче төрки халыкның рухи традицияләрен, мәдәниятен ныгытуга юнәлдерелгән. Сабантуй "Ямал мәдәнияте 2011-2015 елларда” озак сроклы округ максатлы программасы кысасында үткәрелә. Оештыручылары - региональ мәдәният департаменты, округ милли мәдәният үзәге. Ямалда бүгенге көндә 112 милләт вәкилләре яши. Татар һәм башкортлар сан буенча дүртенче урында тора (ЯНАО ның бөтен исәбеннән 7 процент, 35 600 кеше).