Ерак Көнчыгыштан кайтучы Төмән коткаручыларын Екатеринбургның Кольцово аэропортында каршы алдылар. Төмәннең федераль янгынга каршы хезмәте уку үзәгендә аларны хөрмәтләделәр. Төмән ГИМС инспекторлары һәм ТОСЭР янгын хезмәте хезмәткәрләре Хабаровск крае һәм Еврей автоном өлкәсендә каты ташкынга каршы көрәштеләр. Дамбаларны ныгыттылар, торак районнардан насос ярдәме белән Амур елгасына кирегә суны суырттылар, су баскан йортлардан халыкны эвакуацияләделәр. Егетләребез Ерак Көнчыгыштан батырлык күрсәтүләре өчен күкрәк билгеләре, медальләр алып кайттылар.