Төмән өлкәсендә РФ Дәүләт Думасына һәм региональ парламентка депутатлар сайлау кампаниясе уңышлы үтте. Өлкәнең көньягында сайларга килүчеләр 74, 36 процентны тәшкил  иттеләр.  Тәртип бозулар булмады. Төмән өлкәсендә 1138 сайлау участогы эшләде. Регионда сайлау участокларында эшләүче халыкара күзәтүчеләр сайлау комиссияләренең һөнәри осталыкларын билгеләделәр. Тубылда да сайлаулар бик актив үтте. Халык бер-берсен чын күңелдән бәйрәм белән котлады. Ниндиме? Әлбәттә, җәмгыятьтә үзеңнең әһәмиятеңне яхшы аңлау бәйрәме белән. Тубылда 60 % шәһәр халкы  тавыш бирде. Өлкә көньягында «Единая Россия»гә - 65,6; «Справедливая Россия»гә - 6, 83; КПРФка - 11,16; «Яблоко»га - 1, 74; ЛДПРга - 12,88; «Правое дело»га - 0,47; «Патриоты России»гә 0, 76 % тавыш бирелде.