Сбербанк үзенең клиентларына налог, штраф һәм дәүләт органнарына карата булган башка бурычларын интернет аркылы "Сбербанк-онлайн” сервисы буенча түләргә мөмкинлек булдырачак. Хәзерге көндә, белгәнебезчә, бурычларны квитанциядәге номер буенча гына түләп була. Әмма Сбербанк бу сервисны киңәйтү ягын карый. Ә бу исә - һәркем "Сбербанк-онлайн” сервисы аша (квитанциясез) бурычы турында төгәл мәгълүмат алып, шунда ук бурычын түли алачак дигән сүз. Бүгенге көндә Сбербанк тагын бер инициативаны дөньяга ашырды: Төмән шәһәрендә булган авиакатастрофада зыян күрүчеләр, аларның туганнарына ярдәм итәргә теләүчеләр акчаны махсус банк счетына җибәрә алалар.