Төмән нефть һәм газ университеты Япониянең Хоккайдо утравы университеты белән хезмәттәшлек итү турында килешү төзегән иде. Тирә-як мохите турында фәннәр факультеты деканы Масао Минагава Төмәнгә килергә планлаштырган көнне беренче җир тетрәү булды. Илдәге трагик шартларга карамастан, Япония партнерлары Төмәнгә бөтен документларны җибәрделәр. Япония галимнәрен мәңгелек туңлык шартларында  атмосфераны, җир астын  күзәтә торган станцияләребез кызыксындыра. Инде декан җәйгә килер дип ышаналар.