Бу көннәрдә Төмән өлкәсенә "Группы Данон” идарә рәисе, президенты Франк Рибу визит ясады. Дөньяда гаять зур  сөт продукцияләре җитештерүчеләрнең берсе булган җитәкче  Ялутор, Исәт районнары предприятиеләренә барды, өлкә губернаторы Владимир Якушев белән очрашты. 2006 елдан бирле өлкә хөкүмәте ярдәме белән регионда 18 заманча эре сөт комплекслары төзелгән, нәселле терлекнең чагыштырма авырлыгы 6 тапкырга арткан. Төмән өлкәсендә реальләштерергә планлаштырылган  яңа инвестиция проекты "Данон” өчен Россия Федерациясендә һәм Европада бик зур һәм Америка Кушма Штатыннан  кала дөньяда икенче булачак. "Ялуторовский” сөт комбинаты базасында "Даниссимо” эремчек десерты, "Простоквашино” эремчеге, "Активиа” йогурты җитештерүче заманча оешма төзеләчәк. Моның өчен 2,8 миллиард сум акча салыначак.