Март азагында Мәскәүдә "Милләт горурлыгы” халыкара талантлар фестивале узды.Төмәннең "Аленушка” балалар иҗаты үзәгенең "Этюд” театр студиясе "Оригиналь жанр” номинациясе буенча "алтын” яулады. Фестиваль нәтиҗәсе буенча катнашучы 10 баланы Төркия һәм Испаниядә оештырылачак фестивальләргә чакырдылар. Иң әһәмиятлесе – алар Голливудта узачак бөтендөнья чемпионатында Россияне тәкъдим итәргә мөмкинлек алганнар. Фестивальдә балалар "Бәхет геометриясе”, "Прима” чыгышларын ясадылар.