Инфекцион авырулар буенча табиблар талпаннар октябрь аенача тешләячәкләр, дип әйтәләр. Бу көннәрдә генә өлкәдә бөҗәкләрдән 300 кеше зыян күрде. Сезон башыннан шифаханәләргә 13 меңнән артык  кеше мөрәҗәгать итте. Шуларның ике ярымы – балалар. Былтыргы белән чагыштырганда 40 процентка азрак. Талпан инфекциясенә шикләнеп 200дән артык кеше шифаханәгә эләкте. Лаборатория аша 52 кешедә энцефалит, 53 кешедә Лайма авыруы расланды. Бу көннәрдә Төмән парклары, шәһәр янындагы урманнарда  талпанга каршы "ЛесПаркХоз” оешмасы акарецид (химик) эшкәртү уздырды. Бу территорияләрдә гөмбә, җиләк-җимеш җыярга ярамый, сәламәткә зыян китерәчәк.