Төмән өлкәсе агропромышленность комплексы департаменты белгечләре билгеләвенчә, быел язгы кыр эшләренә Түбән Тәүде районы крестьяннары иң яхшы әзерләнгәннәр. Былтыр көзен район бөртеклеләр һәм кузаклылар буенча рекордлы 68 600 тонна уңыш алды. Уңыш – гектарыннан 22,3 центнер булды.

Бүгенге көндә Минсктан 8 трактор, башка заводлардан күп функцияле чәчү комплексы, бер "Джон-Дир” комбайны кайтарылды. ГСМ, ашлама, орлык 100 процент җитештерелгән. А.Антонюкның  ООО ”Тавдинское земледелие "не, Соломон Шармазановның крестьян-фермер хуҗалыгын, Басыйр Девятьяровның индивидуаль предприятиесен, Геннадий Исаевның крестьян хуҗалыгын, СПК "Турай”ны башка хуҗалыклар алдында үрнәк итеп куеп була. Бу оешмалар икмәк үстерүдә алдынгылардан исәпләнәләр.