Төмәннең Рощино аэропортын тиздән үзгәртеп корачаклар. Иң беренче су белән тәэмин итү һәм канализация буенча эшләр эшләнәчәк. Моның өчен ябык ысул белән берничә чакрым торба сузачаклар. Аннары 22 мең квадрат метрдан да артык мәйдан биләгән аэровокзалда ремонт ясалачак. Аэропортны реконструкцияләү белән  Ямал-Ненец автоном округы халкы кызыксына. Төньяктан килгән транспорт агымы элеккечә Төмәнгә юнәлтелгән. Рощино "Ямал” региональ компаниясе өчен төп аэропорт булып кала. Бинаны аэропорттан туры самолетка эләгә торган  биш телескопик трап белән җиһазлаячаклар.