Талпаннар апрель аенда ук тешли башлыйлар. Шушы авыр инфекцияне йоктыручы бөҗәкләрнең иң актив вакытлары май-июнь айларына туры килә. Төмән өлкәсендә ел саен дәвалау-профилактика учреждениеләренә талпаннан зарар күрүче 8-22 мең кеше мөрәҗәгать итә. Өлкә инфекцион шифаханәсендә (Комсомольская урамы, 54 йорт) олыларга, 2 нче өлкә клиник больницасының балалар стационарында (Мельникайте урамы, 75 йорт) сабыйларга бөҗәк тешләүдән  һәрчак ярдәм күрсәтәчәкләр. Талпан энцефалитына каршы түләүсез вакцинация башланды. Районнар буенча 60 мең дозадан артык вакцина билгеләнгән.