Халыкара гаилә көне уңаеннан  өлкә үзәгендә  тантаналы рәвештә "Ана даны” медален һәм губернаторның  рәхмәт хатларын тапшыру үткәрелде. Төмән өлкәсендә "Ана даны”  медале белән барлыгы 238 ана бүләкләнгән. Тантанада  регион башлыгы өлкәнең 8 муниципаль оешмалары - Вагай, Заводоуковск, Төмән, Ишим, Сладково, Тубыл, Упорово, Юрга районнары  һәм Төмән шәһәренең күп балалы аналарга һәм аталарга казанган бүләкләрне тапшырды. Алар арасында милләттәшләребез - алты бала анасы Флера Рәхимҗан кызы Ватутова, сигез бала анасы Елена Мизхәт кызы Кабеева, биш бала анасы Халидә Зөлбохарова, Рәисә Шәвәли кызы Булатова "Ана даны” медальләренә лаек булдылар.