Төмән районында 1-7 яшьлек 8 меңгә якын бала яши. Ел азагынача балалар бакчаларында өстәмә 2 мең урын барлыкка киләчәк. Тиздән өлкә ярдәме аша Молодежный поселогында 200 урынлык, Луговое авылында 80 урынлык яңа балалар бакчалары ачылачак. Винзили поселогында да бер бакча төзелә. Элекке балалар бакчаларыннан яңа мәйданнарга фельдшер-акушер пунктлары, тулай тораклар, китапханәләр күченделәр. Спорт заллары, методик кабинетларга әверелдерелгән бүлмәләр үз әүвәлге хәлләренә кайттылар. Бу максат өчен өлкә казнасыннан 12 миллион акча бирелде.