РФ Президентының Урал федераль округындагы тулы хокуклы вәкиле И. Холманских Тубылда регионда һөнәри техник белемне үстерү сораулары буенча киңәшмә уздырды. Чарада өлкә губернаторы В.Якушев катнашты. Киңәшмә Сумкино поселогында  үткәрелде. Монда 1969 елның сентябрендә һөнәри-техник елга училищесы төзелә. Ул бүгенге көндә Төмән су транспорты колледжы филиалы булып исәпләнә. И.Холманскихка хезмәт кадрларын әзерләүнең дәрәҗәсенә бәя бирергә мөмкинлек туды. "Хезмәттәшлек” максатлы программасы буенча 2007-2010 елларда капиталь ремонт өчен училищега өлкә казнасыннан 120 миллион акча бирелде. Укучылар йөзү практикасын аена 8-15 мең сум хезмәт хакы алып эш вазифаларында  үтәләр.