Төмәннең Рощино аэропортында тиздән үзгәртеп кору башланачак. Терминалның мәйданы тугыз мең квадрат метрдан егерме бишкәчә зураячак. Ремонт эшләре 2012 елга гына билгеләнгән.Әлегә Рощино белгечләре проектны эшкәртү эшләре белән шөгыльләнәләр. Пассажир терминалының үткәрү сәләте хәзерге вакытта сәгатенә 400 кешене тәшкил итә. Киләчәктә ул ике тапкырга артачак. Бу аэропортка көненә егермедән артык самолет-вертолет төшә, шулар арасында халыкара класслылары да бар. Август аенда Рощинода аэдромның өстән бару юлларын ремонтлаячаклар. Моннан соң гаять зур А-321 һәм А-310 самолетларын да кабул итеп булачак.