”МАЗ”автобусларының өч модификациясен Төмәнгә кайтару турында Минск автозаводы белән килешү төзелде. Автобусларның берсен инде  шәһәр урамнарында күреп була. Яңа машиналарны 2011 елның көзендә магистраль маршрутларда пассажирларны йөртү хокукын конкурста отып алган "Север” идарә итү компаниясе дә сатып алачак. Шушы автобусларны Мәскәү астындагы Лукино-Дулево заводында Россия белән Германия бергә җитештерә. Төмәнгә әлегә 7 машина кайтты, бу көннәрдә тагын 14 киләчәк. Алар арасында түбән идәнле модификацияле – шәһәрдә әлегәчә булмаган дүрт ишекле "гармошка”лар да бар. Инвалидларны йөртү өчен ясалган бу автобусларның идәне тигез. Аларны №11, №30 маршрутларга куячаклар.