Төмән районы, Горьковка авылында узган елга нәтиҗә ясарга һәм киләчәккә планнар корырга районнарның АПК җитәкчеләре җыелдылар. Башта катнашучылар "Рощинский” йорт куяннары үрчетү комплексында булдылар. Мондый тармак буенча бу Россиядә иң зур нәселле предприятие. Узган елны бодай  рекордлы уңыш бирде.   Бүгенге көндә бодай үзкыйммәтеннән арзан. Голышманово, Омутинский, Бердюжский, Исетский районнарында бөртеклеләр 60% ны тәшкил итә. Бу кырларда  бәрәңге, яшелчәләр, рапс  шикелле базар таләп иткән культураларны үстерергә күчәргәме әллә дигән сорау туа. 2012 елда балык тоту тармагына, терлекчелеккә, инвестицион проектлар буенча эшләүгә зур әһәмият биреләчәк.