Исәнмесез, «Яңарыш» хезмәткәрләре ! Мин үзем Кыскыркүл авылыннан, укытучы булып эшлим. Мәктәптә география һәм рәсем дәресләрен алып барам. Язуымның максаты - безнең мәктәптә талантлы  балалар укыйлар: җыр ягыннан да, биюдән дә, рәсем ясаудан да. Конкурсларда катнашабыз, әмма еш түгел - юл, элемтә булмаганлыктан һәм авылның район  үзәгеннән  еракта урнашуыннан.                                                                                        

Сүзне Ләйсән Төлмәтовадан башлыйм. Ул 9 классны тәмамлады. Оста, сәләтле рәссам.Аның рәсемнәренә карап һәркем соклана.  Ул туган як табигатен ясарга ярата.Ләйсән татар әдәби телен яхшы белә. Тыйнак, тәртипле кыз. Төрле конкурсларда катнашып, дипломнар, грамоталар алды. Спортны ярата, баскетбол   белән шөгыльләнә.Җырлый да, бии дә. Бөтен яктан уңган.                                   

Уку ягыннан да көчле, рәсем ясаудан да талантлы икенче укучым – Даниэль Зарипов. Ул 9 нчы класска күчте. Малай графика белән ясарга ярата. Баскетболчы, волейболчы, футболчы. Мәктәптә аны ,,Король футбола” дип йөртәбез. Ул әле яхшы чаңгычы да. Ләйсән һәм Даниэль ,,Таң йолдызы” балалар конкурсында рәсемнәре белән катнаштылар.Грамоталар, бүләкләр алдылар. Киләчәктә дә талантлары үссен, һәркайда алдынгы урыннар алсыннар.                        

Гөлнур Дәүләтшина.