Безнең Талымхан авылы  "Күңелле балачак” вокал ансамбленә 7 ел тулды. Анда йөрүчеләр бу музыка мәктәбен уңышлы тәмамлады. Һәрберсенә мактау кәгазьләре, таныклыклар һәм 19-23 июньдә Сочи шәһәрендә үтәчәк халыкара "ЮЛА” конкурсына чакыру бирелде. Җыр–моңга һәм биюгә сәләтле кызларыбыз олы конкурста төрле яктан (Ростов на Дону, Әстерхан, Казахстан, Абхазия, Пятигорск, Мәскәү, Санкт–Петербург, Минск, Краснодар, Лазаревск, Сочи) килгән  күренекле коллективлар арасында олы дәрәҗәгә ирешеп, Гран–при бүләген алып кайттылар. Азалия Рамазанова җырлап 3 дәрәҗәдәге лауреат исеменә лаек булды. Сөйкемле, сәләтле һәм яраткан кызларыбыз: Альбина Зәлилова, Диана Бакирова, Чулпан Садыйкова, Зарина Уразова, Азалия Рамазанова, Ләйсән Сабирова, Регина Зәлилова, Эльвира Юскаева, Суфия Мәхмүтова, сезгә олы рәхмәтемне белдерәм. Кечкенә генә авылдан барып, шундый зур конкурста катнашып, үрләргә менүегезгә мин чиксез горурмын. Бигрәк тә чын күңелдән сезнең әти–әниләрегезгә һәм оештырып алып баручыларга исәнлек–саулык телим. Шунысы кызганыч, читтән бернинди ярдәм булмады, бөтен финанс авырлыкны әти–әниләр үзләре генә  күтәрде. Хөрмәтле әти-әниләр, эшләрегез уң, кесәгез калын булсын! Алдагы көннәребез тигезлектә, тынычлыкта, шатлыкта үтсен!!!

Якты теләкләр белән музыка җитәкчеләре.

Илнара РАМАЗАНОВА.