Тубыл шәһәренећ татар мәдәният үзәгендә Төмән өлкәсенең яшьләр оешмасы очрашу кичәсен оештырды. Яшьләрне мәдәният үзәге директоры Сафиулла Ильясов сәламләп, изге эшләрендә уңышлар теләде. Мәдәният үзәге каршында да яшьләр оешмасы ачылуы турында хәбәр итте. Студентлар көненә багышланган мавыктыргыч программаны Земфира Шђрипова белән Ринат Асхаров алып бардылар. Кичәдә күңелле уеннар оештырылды, татар халык биюләрен башкардылар, заманча җырлар яңгырады. Яшьләр биеп, күңел ачып, ял иттеләр. Кунакларны  тубыллылар  сый-хөрмәт, якты йөз белән каршы алдылар. Яшь  җырчылар Лилия Демьянова, Ирина Исхакова, Нариман Шамаков, ”Себер яшьләре” биючелђре, Лариса Биктимирова, Мљхђммђтъяр Нигъмђтуллин "Шаян татар биюе” чыгышын башкардылар. Тубылның яшь талантларының чыгышлары тамашачыларның күңелләренә хуш килде.

Төмән өлкә яшьләренең  җитәкчесе Руслан Ринадович  үзенең чыгышында: "Безнең яшьләребез үзләренең тарихын, мәдәниятын, динен белергә, горурланырга тиешләр. Исерткеч эчемлекләрсез дә, шундый күңелле, файдалы кичәләр оештырып була икђн. Тубыл шәһәрендә без беренче мәртәбә оештырдык, соңгы килүебез булмас, дип уйлыйм. Шәһәрдә яшьләр, студентлар бик күп џђм яшьләр өчен төрле кичәләр, очрашулар оештыру өчен уңай шартлар бар. Монда Төмән өлкәсе яшьләренең филиалын ачарга кирәк”, – дип тәкъдим итте.

Кичәгә килүче љлкђн яшьтәге кунаклар чәйләр эчеп, биеп, татар җырларын тыңлап очрашуга килгән яшьләребез белән таныштылар. Аларның киләчәге өметле, Тубылда да милләт өчен, халык өчен җан атып йөрүче милләтпәрвәр яшьләребез җитәрлек икән.

Р.УМИТБАЕВА.