Бу көннәрдә Исәт авылында ”Себернең яшь авыл хуҗалыгы эшчәннәре (аграрии)” Төмән регионара иҗтимагый оешмасы  яшьләренең торак проблемасына багышланган түгәрәк өстәл үткәрде. Бу чара районда яшәүчеләрдә зур кызыксыну тудырып, әлеге актуаль проблема турында фикер алышуда 30га якын кеше катнашты. Алар килгән кунаклар: өлкә Думасы депутаты Н.П.Барышников, өлкә авыл хуҗалыгы департаменты хезмәткәрләре һәм иҗтимагый оешмалар белән бәйләнеш идарәсе начальнигы Н.И.Гейн, оешма җитәкчесе Д.В.Рудакка "Торак” һәм "2012 нче елга хәтле авылның иҗтимагый
үсеше” программаларына, җиргә сертификатлар алу проблемаларына караган сораулар бирделәр. Денис Рудак чыгышында: ”2011-2015 елларга торак” дәүләт программасы безнең өлкәдә эшен дәвам иттерсен иде. Бүгенге көндә безгә өлкә бердәм интернет ресурс кирәк, яшьләргә кагылышлы булган мәгълүматлар шунда туплана барыр иде. Авыл җирендә торак төзү һәм яшьләрне торак белән тәэмин итү буенча бербөтен  норматив-хокук базасын булдыру, шулай ук яшь гаиләләр, яшь белгечләрне йорт төзер өчен җир белән тәэмин итү проблемаларын чишү юлларын табу безнең өчен иң мөһим бурыч булып тора”, - диде.

Р.КАНГАЗИНА.

Рәсемдә: «Яшь буын» өлкә яшьләр оешмасы яшьләре Япкәү районы, Карбан авылында.