Категории
Рубрики материалов
Яшьлек [67]Балалар сәхифәсе [26]
Иман [34]Гаилә учагы [21]
А.Сәгыйтов истәлегенә [4]Тормыш сулышы [119]
Сөю чишмәсе [15]И туган тел [39]
Шигърият [27]Бөек Җиңүнең 65 еллыгына [39]
Юбилей [2]2010 ел – Укытучы елы [11]
Яңарышның 20 еллык юбилеена [17]Ничек яшисең, авыл? [1]
КИҢӘШЛӘР [2]Бәхет башы хезмәттә [1]
ЯҢА ЕЛ [1]Соцпроект [7]
Тарих [5]
Главная » Статьи » Яшьлек » Яшьлек

БУЛАЧАК ТУГАН ТЕЛ УКЫТУЧЫСЫ

Кеше игътибарын ул моңсу күзләре белән үзенә тартып тора. Күзләр  ул – күңел көзгесе диләр бит. Аның да күзләре иясенең бай рухи дөньялы, миһербанлы, үтә дә җаваплы булуын кычкырып торалар. Гөлназ турындагы фикерләремне мөгаллимәсе – профессор Х.Ч.Алишина да хуплап: "Бик тырыш, тәртипле, яхшы укый, нинди генә сорау белән мөрәҗәгать итсәң дә, ярдәм итәргә атлыгып тора”, - дип өстәде. Гөлназ быел татар теле һәм әдәбияты бүлегенең 5 нче курсында укый. Күптән түгел сайлаган һөнәре буенча дәүләт имтиханын "5”легә биреп, бу көннәрдә ул үзе сайлаган темасы буенча диплом эше язу белән мәшгуль. Кулына белгечлек таныклыгы алгач, Гөлназ Альберт кызы туган авылына – Яркәү районы, Кызылъяр мәктәбенә туган тел дәресләрен укытырга кайтырга җыена. Дәүләт практикасын да ул анда югары дәрәҗәдә үтте. Яшьлегенең иң кызыклы мизгеле дип санаган әлеге көннәрне искә төшереп яшь белгеч: "Үземә белем биргән укытучыларым янына кайтып эшләү – бик катлаулы имтихан бирү кебек тоелды. Аларның ышанычларын җуймас өчен бар ихтыяр көчемне, белемемне бер йодрыкка тупларга туры килде. Һәм тырышлыгым бушка булмады – укучылар белән бик тиз уртак тел таптым, ә укытучыларым ярдәм кулы сузып кына тордылар. Күпме белем, тәҗрибә тупладым – шуның өчен остазларыма мин бик рәхмәтлемен”, - дип сөйләде. Гөлназ кече чактан спорт белән шөгыльләнә, волейбол уйный, кышын чаңгыда шуарга ярата. Саф күңелле кыз тормышта үз урынын табып, гомерен заяга уздырмау һәм үзен кемгәдер бик кирәкле итеп тоеп яшәү турында хыяллана. Шулай ук Гөлназны 300 елдан артык гөрләп яшәп килгән Кызылъяр авылының тарихы өйрәнелмәгәне һәм татар балаларының туган телебезне белмәүләре, сөйләшергә, үзләштерергә теләмәүләре бик борчый. "Тукай теленең бар матурлыгын тәрҗемә аша белү - күңелгә ләззәт, рухи байлык бирми”, - ди булачак туган тел укытучысы. Шуңа да өлкәдәге югары уку йортларындагы татар бүлекләренә укырга керергә теләүче абитуриент булмавын бик аянычлы хәл дип саный ул.

Р.КАНГАЗИНА.   

Категория: Яшьлек | Добавил: Zul4itai (18.05.2012)
Просмотров: 537 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Подписка

Язылу бәясе:

6 айга – 210 сум 66 тиен,
3 айга – 70 сум 22 тиен,
1 айга – 35 сум 11 тиен.

Индексы – 54313.

Друзья сайта
  • "Ватаным татарстан"
  • Информационное агенство "Татар-информ"
  • Электронная газета Республики Татарстан "Интертат"
  • "Азатлык" радиосы
  • «БЕЗНЕҢ ГӘҖИТ»нең электрон версиясе
  • Матбугат
  • "Татарстан яшьләре" ЯШЬЛӘРНЕҢ ИҖТИМАГЫЙ-СӘЯСИ ГАЗЕТАСЫ
  • Конгресс татар Тюменской области
  • Всемирный Конгресс Татар
  • Татарский всемирный сервер "Татарлар.ру"
  • Погода
    Яндекс.Погода
    Cтатистика

    Онлайн всего: 1
    Гостей: 1
    Пользователей: 0

    АНО "ИИЦ "Яңарыш" © 2020
    Хостинг от uCoz