Зарина Хәбибова Төмән районы, Ямбай мәктәбенең 5”а” классында укый. Без аның белән мәдәният йортында очраштык. Ул анда музыкаль түгәрәккә йөри. Җитәкчесе – Гөлзифа Нигъмәтулла кызы Нигъмәтуллина аның турында болай дип сөйләде:

- Зарина бик матур җырлый, төрле чараларда актив катнаша. Кызның репертуарында " Хорошие друзья”, ”Саксофон”дигән җырлар бар. Киләчәге өметле, үзе бик тырыш.

2008 елдан бирле җырлыйм. Мәктәптә "4” һәм ”5” билгеләренә генә укыйм. Иң яраткан фәнем – математика. Укытучыбыз - Әлфия Рәшит кызы Юсупова. Ул безнең класс җитәкчебез дә.

Минем 20 яшьлек апам бар, аны мин бик яратам. Әниемнең исеме – Татьяна. Ул Төмәндә фанера заводында эшли. Өйдә әниемә булышам, ул минем иң кадерле кешем, - дип Зарина үзе белән таныштырды.

Д.ФӘХРЕТДИНОВА.