Категории
Рубрики материалов
Яшьлек [67]Балалар сәхифәсе [26]
Иман [34]Гаилә учагы [21]
А.Сәгыйтов истәлегенә [4]Тормыш сулышы [119]
Сөю чишмәсе [15]И туган тел [39]
Шигърият [27]Бөек Җиңүнең 65 еллыгына [39]
Юбилей [2]2010 ел – Укытучы елы [11]
Яңарышның 20 еллык юбилеена [17]Ничек яшисең, авыл? [1]
КИҢӘШЛӘР [2]Бәхет башы хезмәттә [1]
ЯҢА ЕЛ [1]Соцпроект [7]
Тарих [5]
Главная » Статьи » Яңарышның 20 еллык юбилеена » Яңарышның 20 еллык юбилеена

«ЯҢАРЫШ»ЛЫЛАР МУЛЛАШ АВЫЛЫНДА


"Яңарыш” газетасының баш мөхәррире Алсу Сәгыйтова профессор Хәнисә Алишина җитәкчелегендә газетаның 20 еллык юбилеена багышланган чара бу юлы танылган якташыбыз, "Дан” орденының тулы кавалеры, күренекле укытучы Хәбибулла Хәйрулла улы Якинның туган ягы - Төмән районы, Муллаш авылында үтте.




Кунакларны авыл хакимияте башлыгы Дамир Миннеган улы Назметдинов, мәктәп директоры Гөлчәрә Такыйулла кызы Назметдинова, мәдәният йорты җитәкчесе Нурания Әбдрауп кызы Кармушева зур әзерлек, җылы караш, ачык йөз белән каршы алып, эшләр өчен бөтен уңайлыклар булдырдылар. Чарада Казан шәһәреннән Төмән университеты татар бүлеге студентларыннан чыгарылыш имтихан алырга дип махсус килгән Казан университеты профессоры Хатыйп Йосыф улы Миннегуловның катнашуы бәйрәмгә тагын да ямь өстәде. Укытучылар төгәл төзелгән  программа буенча кунакларны мәктәп тормышы белән таныштырдылар: укучылар татар телебезнең әһәмияте, роле турында сәнгатьле итеп шигырьләр ятладылар, Г.Т.Назметдинова  укучыларның соңгы елларда ирешкән уңышлары, укытучыларның фидакарь хезмәтләре турында сөйләде. Кунаклар каршында кадет классы укучылары хәрби хезмәткә әзерлекләрен күрсәттеләр. Татар теле укытучысы, РФ атказанган укытучысы Фәнисә Мәкъсүд кызы Зиннәтуллина мәктәп музее белән таныштырып, чыгышын төрле кызыклы тарихи вакыйгалар белән тулыландырды. Аннары кунаклар махсус бәйрәмчә бизәлгән авыл мәдәнияте йортына юл тоттылар, биредә аларны "Яңарыш”ның алыштыргысыз укучылары көтә иде. Зур җаваплылык белән әзерләнгән чараны мәдәният йортының сәнгать җитәкчесе Нурия Әбуталип кызы Юсупова ачты. Ул авылдашларын шатлыклы бәйрәм кичәсе белән котлап, сүзне яңарышлыларга тапшырды. Баш мөхәррир Алсу Сәгыйтова очрашуның максатын аңлатып, халыкны газета хезмәткәрләре белән таныштырды. Аннары газетага озак еллар мәкаләләр язып торучы хәбәрчеләр – Мәрьям Зөлбохарова белән Фәнисә Зиннәтуллинага Рәхмәт хатлары, бүләкләр тапшырды, киләчәктә дә аралашып, киңәшеп яшәрбез, дигән өметен белдерде. Аннары халыкка "Яңарыш”ның тарихын чагылдырган видеофильм карарга тәкъдим ителде. Чараның икенче өлешен җирле шагыйрь З.Акбүләков Х.Х.Якинга багышланган шигыре белән башлады. Радиоспорт буенча дөнья чемпионы З.Низамов Муллаш авылында милләтебез өчен армый-талмый эшләгән шәхесләрне Советлар Союзы Геройлары - Федюнинский һәм Федоров исемендәге дипломнар белән бүләкләде. Профессор Х.Ч.Алишина тамашачыларны коллегасы Х.Й.Миннегулов белән таныштырды, Д.М.Назметдинов, Г.Т.Назметдинова, А.М.Сәгыйтовага Төмән дәүләт университетының филология факультеты исеменнән Рәхмәт хатлары тапшырды. Халык Хатыйп Йосыф улының чыгышын көтеп алып, зур әһәмият белән тыңлады - аларны соңгы көннәрдә Казан шәһәрендә барган яңалыклар да кызыксындырды. Һәр чыгыш ясаучы мәктәпкә, китапханәгә үзләренең китапларын бүләк иттеләр. Аннары тамашачылар авыл мәдәнияте хезмәткәрләре һәм Төмәннән килгән "Яшь буын” яшьләр оешмасы тарафыннан оештырылган концертны карадылар. Алар җырчылар Айдар Садыков, Эльмир Фастулин, Руфилә Хисаметдинова,  Нурия Юсупова, Фәрит Корманов, биюче кыз Диана Назметдинованың чыгышларын алкышларга күмделәр. Үз чиратында Алсу Сәгыйтова залга мөрәҗәгать итеп: ”Муллашлыларның кунакчыллыклары турында ишетеп белә идек, ә бүген без моны үзебез күреп инандык”,- дип, халыкка саф күңеленнән чыккан олы рәхмәтен  белдерде.

Р.КАНГАЗИНА.







Категория: Яңарышның 20 еллык юбилеена | Добавил: Zul4itai (28.03.2010)
Просмотров: 545 | Рейтинг: 5.0/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Подписка

Язылу бәясе:

6 айга – 210 сум 66 тиен,
3 айга – 70 сум 22 тиен,
1 айга – 35 сум 11 тиен.

Индексы – 54313.

Друзья сайта
  • "Ватаным татарстан"
  • Информационное агенство "Татар-информ"
  • Электронная газета Республики Татарстан "Интертат"
  • "Азатлык" радиосы
  • «БЕЗНЕҢ ГӘҖИТ»нең электрон версиясе
  • Матбугат
  • "Татарстан яшьләре" ЯШЬЛӘРНЕҢ ИҖТИМАГЫЙ-СӘЯСИ ГАЗЕТАСЫ
  • Конгресс татар Тюменской области
  • Всемирный Конгресс Татар
  • Татарский всемирный сервер "Татарлар.ру"
  • Погода
    Яндекс.Погода
    Cтатистика

    Онлайн всего: 1
    Гостей: 1
    Пользователей: 0

    АНО "ИИЦ "Яңарыш" © 2020
    Хостинг от uCoz