Категории
Рубрики материалов
Яшьлек [67]Балалар сәхифәсе [26]
Иман [34]Гаилә учагы [21]
А.Сәгыйтов истәлегенә [4]Тормыш сулышы [119]
Сөю чишмәсе [15]И туган тел [39]
Шигърият [27]Бөек Җиңүнең 65 еллыгына [39]
Юбилей [2]2010 ел – Укытучы елы [11]
Яңарышның 20 еллык юбилеена [17]Ничек яшисең, авыл? [1]
КИҢӘШЛӘР [2]Бәхет башы хезмәттә [1]
ЯҢА ЕЛ [1]Соцпроект [7]
Тарих [5]
Главная » Статьи » И туган тел » И туган тел

УННАН СИГЕЗЕ ҖИҢҮГӘ ЯКЫН


Дүртенче класс укучылары быел өченче олимпиадага җыелдылар. Быелгы ярышка татар теле һәм әдәбияты буенча сыналырга өлкәнең Вагай, Түбән Тәүде, Төмән, Ялутор, Яркәү районнары, Тубыл шәһәре мәктәпләреннән ун укучы килде. Бу турыда тулырак итеп аңлату өчен ТОГИРРО доценты, туган телебез буенча олимпиада сорауларын әзерләүче, оештыручы Сания Хәйретдин кызы Насыйбуллина фикерләрен язып китми мөмкин түгел:

- Бер генә укучыны да олимпиадага җибәрә алмаучылар да бар. Мәсәлән, Тубыл районынан (укытучылар әйтүе буенча, районда бу бәйге уздырылмаган да), Исәт, Аромаш районнарынан (Көсәйкүлдә 4 нче класста укучылар юк быел), Төмәннең 52 нче мәктәбеннән (авыру сәбәпле).

Җиңүчеләргә килгәндә, Вагай районы, Казанлы урта мәктәбе укытучысы Гөлчирә Зариф кызы Уразова әзерләгән Ролан Уразов иң яхшы нәтиҗәгә иреште,  Тубыл шәһәренең 15 нче мәктәбе укучысы Гөлдания Юмадеева (укытучысы Гүзәл Мөҗип кызы Сафарметова) икенче, Ялутор районы, Исәт мәктәбе укучысы Дарина Ниязова (укытучысы Миләүшә Мансур кызы Хәмидуллина) өченче урын яуладылар.

Сораулар программага нигезләнеп төзелә, өстәмәләр дә кертелергә мөмкин. Араларында тестлар да була. Орфографиягә, сүз ясалышына, морфология, лексикология өлешенә, этимологиягә караган биремнәр тәкъдим ителде, җөмлә төзелешенә, тәрҗемә эшләренә игътибар булды. Бер биремдә өлкәдә чыгып килүче газетаны табарга кирәк иде, балалар барысы да дөрес билгеләгәннәр. Димәк, "Яңарыш”ны яратып укыйлар.

Инде балалар өчен авыр тоелган биремнәргә тукталып үтик. Мәсәлән, исемнәрдән фигыльләр ясау, җөмләләрне дәвам итү, мәкальләрне аңлату кебекләрен авырсынганнар. Вагай районы укучылары шигырьләрне ятлыйлар, башкалар бу яктан йомшаклык күрсәтәләр. Аеруча сүз ясалышына, җөмләләр төзүгә, мәкальләргә, шигырьләр ятлауга игътибар бирелергә тиеш. Г.Тукай юбилеена әзерлек башларга кирәк.

Ун укучыдан сигезенең нәтиҗәләре илле проценттан артып китүе - яхшы күренеш.

Шулай әкренләп телебезне куллану артыр, аның кирәклеген аңлаучы яшьләребез милләт җанлы балалар үстерерләр, горурланырлык рухи байлыгы булган халкым юкка чыкмас, иншалла.

Г.ВӘЛИЕВА.

 

Категория: И туган тел | Добавил: Zul4itai (15.05.2010)
Просмотров: 450 | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Подписка

Язылу бәясе:

6 айга – 210 сум 66 тиен,
3 айга – 70 сум 22 тиен,
1 айга – 35 сум 11 тиен.

Индексы – 54313.

Друзья сайта
  • "Ватаным татарстан"
  • Информационное агенство "Татар-информ"
  • Электронная газета Республики Татарстан "Интертат"
  • "Азатлык" радиосы
  • «БЕЗНЕҢ ГӘҖИТ»нең электрон версиясе
  • Матбугат
  • "Татарстан яшьләре" ЯШЬЛӘРНЕҢ ИҖТИМАГЫЙ-СӘЯСИ ГАЗЕТАСЫ
  • Конгресс татар Тюменской области
  • Всемирный Конгресс Татар
  • Татарский всемирный сервер "Татарлар.ру"
  • Погода
    Яндекс.Погода
    Cтатистика

    Онлайн всего: 1
    Гостей: 1
    Пользователей: 0

    АНО "ИИЦ "Яңарыш" © 2020
    Хостинг от uCoz