Категории
Рубрики материалов
Яшьлек [67]Балалар сәхифәсе [26]
Иман [34]Гаилә учагы [21]
А.Сәгыйтов истәлегенә [4]Тормыш сулышы [119]
Сөю чишмәсе [15]И туган тел [39]
Шигърият [27]Бөек Җиңүнең 65 еллыгына [39]
Юбилей [2]2010 ел – Укытучы елы [11]
Яңарышның 20 еллык юбилеена [17]Ничек яшисең, авыл? [1]
КИҢӘШЛӘР [2]Бәхет башы хезмәттә [1]
ЯҢА ЕЛ [1]Соцпроект [7]
Тарих [5]
Главная » Статьи » Бөек Җиңүнең 65 еллыгына » Бөек Җиңүнең 65 еллыгына

КАҺАРМАННАР ДАНЫ МӘҢГЕЛЕК!


Бөек Җиңүнең 65 еллык юбилеен Түбән Тәүде районы, Киндерле авылында да бик зурлап үткәрделәр. 9 май көнне иртә таңнан шарлар, флаглар, чәчәкләр белән бизәлгән автобуслар укытучыларны, укучыларны, мәдәният хезмәткәрләрен, авылның җәмәгать эшендә актив катнашкан хатын-кызларны төяп, Тукман, Паченка, Кыткүл, Бухарин авылларын әйләнеп чыктылар. Һәр авылда туктап сугыш чорындагы костюмнарга киенгән җирле артистлар халыкка концерт куйдылар. Иң соңгы пункт Киндерле булды. Парк территориясендә урнашкан Бөек Ватан сугышы корбаннары һәм яудан кайткан солдатларга багышланган һәйкәл каршында митингта әби – бабайларның урыннары түрдә иде. Беренче сүз Киндерле мәчете имамы Сәлимҗан Хәзрәт Самадовка бирелде. Ул сугыш кырында ятып калган һәм кайтып хәзер инде яныбыздан киткән ветераннарга багышлап вәгазь сөйләде, Корьән сүрәсен укыды. Мәктәп директоры Алсу Латыйпова, Киндерле бүлеге җитәкчесе Рамил Ногманов, ветераннар советы рәисе Фәһим Хәмидуллин авылдашларын олы бәйрәм белән тәбрикләделәр. Мәктәп укучылары сугыш турында шигырьләр сөйләделәр. Мәдәният йортында хезмәткәрләре, укытучылар, укучылар, һәр чарада актив катнашучы авыл хатын – кызлары тарафыннан зур концерт оештырылды. Ул сугыш чорына багышланган сценарийдан башланды. Концерт программасы гаять бай иде. Фәһим Шәрәфулла улы 19 ветеранга бүләкләр әзерләгән шәхси кибет хуҗасы Татьяна Гисматуллина һәм тормыш иптәше Фәрит Габидулла улына, ООО ПК " Молоко” директоры Илназ Исмәгыйлевка зур рәхмәт белдерде. Түбән Тәүде районы башлыгы Зөфәр Зариф улы Әхтәриев: «Безнең балалар бигрәк сәләтле. Мәдәният йортына яңа профессионал хезмәткәрләр килде. Наҗия Хакимова, Руслан, Рөстәм Маметовларның бездә эшләүләренә куанам. Тиздән шушы мәдәният йортын реконструкцияләү көтелә. Моның өчен акча бирелгән. Яңа театраль урындыклар кайтарылачак, фасад үзгәртеләчәк һәм башкасы. Төзү эшләрен "Меридиан” компаниясе җитәкли. Новотроицк, Түбән Тәүде авыл хакимиятләре икегә бүленәчәк. Киндерле авылы үзәк булачак. Тыл һәм хезмәт ветераннарына сугыш елларында күргәннәрен яшь буынга күп сөйләргә кирәк. Яшьләр  белсеннәр, ишетсеннәр. П. Прокопьев исемендәге фонд районның сугышта һәлак булучылары, ветераннары турында китап бастыра. Җитәкчесе мин. Шушы китапта геройлар сез булырсыз, кадерле тыл һәм хезмәт ветераннары. Рәхмәт мине укыткан укытучыларга, аларның кайберләре залда утыра, ә кайберләре юк инде. Мин барыгызны да якын күрәм, хәзерге укытучыларга да укытучыларым дим – дип Зөфәр Зариф улы бәян итте.

Д.ФӘХРЕТДИНОВА.

Категория: Бөек Җиңүнең 65 еллыгына | Добавил: Zul4itai (15.05.2010)
Просмотров: 883 | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Подписка

Язылу бәясе:

6 айга – 210 сум 66 тиен,
3 айга – 70 сум 22 тиен,
1 айга – 35 сум 11 тиен.

Индексы – 54313.

Друзья сайта
  • "Ватаным татарстан"
  • Информационное агенство "Татар-информ"
  • Электронная газета Республики Татарстан "Интертат"
  • "Азатлык" радиосы
  • «БЕЗНЕҢ ГӘҖИТ»нең электрон версиясе
  • Матбугат
  • "Татарстан яшьләре" ЯШЬЛӘРНЕҢ ИҖТИМАГЫЙ-СӘЯСИ ГАЗЕТАСЫ
  • Конгресс татар Тюменской области
  • Всемирный Конгресс Татар
  • Татарский всемирный сервер "Татарлар.ру"
  • Погода
    Яндекс.Погода
    Cтатистика

    Онлайн всего: 1
    Гостей: 1
    Пользователей: 0

    АНО "ИИЦ "Яңарыш" © 2020
    Хостинг от uCoz