Губернатор В.Якушев Төмән өлкә хөкүмәте президиумының соңгы утырышында муниципаль оешмаларга электрон формада регион халкына дәүләт хезмәте күрсәтүгә әзерләнү өчен акча бүлеп бирү турында карар чыгарды. Уват һәм Упорово районнарына структуралы кабель системасын модернизацияләү һәм төзү өчен региональ фондтан акча җибәреләчәк. Ишим шәһәре һәм Викулово районы казнасына  компьютер техникасы алуга һәм программа белән тәэмин итүгә акча күчереләчәк. ”Яшь гаиләләрне торак белән тәэмин итү” программасында катнашучы яшь гаиләләргә өлкә бюджетыннан өстәмә акча бирү өчен финанс җибәрелде. Әгәр мондый гаиләләрдә бала туса яисә уллыкка сабый алсалар, аларга тагын бер социаль акча түләнәчәк.