Регион башлыгы В.Якушев Ишим шәһәренә хезмәт визиты ясады. Ул шәһәр өчен мөһим объект – Ишим елгасы яр буе урамы ачылуында катнашты.  Парк зонасын һәм елганың сул як ярын төзекләндерү 2008 елда, яр буе урамын төзү 2010 ел азагында  башланды. Губернатор Лукьянец исемендәге гомуми белем бирү лицеенда да булды. Бинаны яңартуга, яңа спорт залын төзүгә, территорияне төзекләндерүгә өлкә казнасыннан 142 миллион сум акча күчерелгән. Өлкә башлыгы шәһәр юлларын да карады; 1 320 метр юлга  асфальт салу көтелә. Алкогольсез эчемлекләр һәм сыра җитештерүче;  керамик кирпеч ясый торган заводлар төзү өчен бирелгән мәйданнарда булды.